පැතුම් පොඳි බැඳ සතුට පැතු ඒ
ජීවිතේ දැන් නැතිවෙලා
හෙටක් ගැන හිත හිතා ගත කල
ජීවිතේ දැන් නැවතිලා

නුඹත් හා මම රැඳෙන පෙම් ලොව
අහිමි වී දැන් වෙන්වෙලා
කඳුළු බිඳු අග රැඳුනු නෙතු යුග
මැවෙයි සිතුවම් හිත් පුරා

දැනෙන මේ දුක නුඹට අහිමි ද
සිතෙයි දිව රෑ මගේ හිතේ
මටම විතර ද දුක දැනෙන්නේ
අසයි හදවත හැමවෙලේ

ඉසුරු පිරි නුඹෙ ජීවිතේ හට
නොවටනා මුත් දිලිඳු මගේ ලොව
සතුට හිමි හෙට දිනක් කෙදිනක
ලැබෙනු ඇත මට ජීවිතේ තුල...